CY閉門活動禁錄影
自己友「違規」

【明報專訊】特首梁振英(CY)喺剛過去嘅周六、周日，都喺禮賓府搞閉門活動，邀請地區及唔同建制團體代表出席，民主派當然無份去，除咗聯誼外，CY亦趁機向在場人士講吓佢關心嘅事。唔知CY係咪見到噚日報章報道佢周六聚會中嘅內容「太詳盡」，令佢唔方便暢所欲言，所以噚日佢就多次提醒大家唔好錄影喇。

雖然CY見建制派係閉門活動，但唔少人喺活動期間或完咗後，都不忘「打卡」、將同出席者嘅合照等放上社交網站，可能CY懷疑有人錄音、錄影，令傳媒好清楚佢講咩啦，有與會者透露，噚日第二場聚會中，CY一開頭講嘅，係溫馨提示大家，話知道有傳媒搵與會者錄影，但希望大家唔好咁做喎。

「齊心」網上未見獨家片

不過，呢個呼籲最搞笑嘅係，斷正嘅反而係CY嘅自己友！有出席者話，CY發言途中，已做手勢叫停政府新聞處嘅職員唔好影相，點知仍有人唔生性攝錄，去到發言後期，CY突然指住台邊一人，問佢係咪錄影緊，又問對方係邊位，對方自稱「齊心(基金)」，原來係自己友，但CY亦叫唔好影喇。

齊心基金負責嘅網上平台「港人講地」，噚日未見有乜嘢「獨家」報道呢次禮賓府活動，只係引述傳媒嘅即時新聞，唔知係咪因為CY唔想影片出街呢？

更多港聞

忠義民團與黃洋達 打擂台簽「意向書」

【明報專訊】反佔中嘅「忠義民團」，其召集人阿Man噚日帶同多名支持者，一齊踩上《熱血時報》喺九龍灣嘅辦公室，向「熱血公民」黃洋達下戰書，挑戰... 詳情

葉劉率新民黨海南島考察

【明報專訊】剛過去嘅星期三，新民黨主席葉劉淑儀離開咗香港，並無現身立法會，仲記得《施政報告》時佢突然離港，後來大家先知原來佢上咗北京；今次離... 詳情

立體 「萬馬奔騰」

【明報專訊】想睇國畫大師徐悲鴻《奔馬圖》嘅立體版，下周末有機會！沙田馬場會喺4月3日至5日，展出1萬個以《奔馬圖》為藍本嘅立體環保紙模，並申... 詳情

郭基煇想抱抱獄中爸爸

【明報專訊】新鴻基地產前聯席主席郭炳江涉及許仕仁案被判監5年，正在服刑，早排家人幫佢申請保釋等候上訴但被法官拒絕；郭炳江囝囝、新地執行董事郭... 詳情

新社聯榮譽會長 李連生病逝

【明報專訊】做過5屆港區全國人大代表嘅新界社團聯會榮譽會長李連生（圖），噚日朝早因病去世，享年78歲，唔少新社聯嘅後生一輩，噚日都喺face... 詳情