CY親函《信報》叫停手
批練乙錚用齊昕借題發揮
[2015.03.21] 發表
【明報專訊】特首梁振英(CY)日前親自寫信畀《信報》，話特約評論員練乙錚寫文講佢個女兒齊昕係「借題發揮」，極度遺憾。信報總編輯郭艷明接受DBC電台訪問時就話，信報只係一個發表意見嘅平台，練乙錚有自己嘅觀點，但唔代表信報。
總編：唔代表信報
究竟乜嘢令CY咁不滿呢？事緣練乙錚前日喺信報發表一篇題為〈梁齊昕的處境不就是香港人的一個縮影嗎？〉嘅文章，用齊昕比喻爭取自由嘅港人，佢嘅父母就代表「壓制」嘅政權。信報噚日刊登咗CY嘅信函，CY喺信裏面形容，齊昕病情唔輕，需要安靜嘅康復空間，「政治攻訐，禍不及家人，這是做人做事的底線，請練先生及貴報停手」。
記協：唔算打擊言論自由
記協主席岑倚蘭就話，練總唔係第一個評論員有咁嘅寫法，其他評論員亦有將齊昕嘅事同政治勾上關係。
但佢認為，齊昕情緒波動，父親有咁嘅反應亦無可厚非，唔算係打擊言論自由。
更多港聞
【明報專訊】財政司長曾俊華噚日去M21青協網台回答一班中學生同大學生嘅問題，講到自己留鬚嘅秘密，Emily聽完覺得佢份人都幾迷信。財爺話留鬚...
詳情
相關新聞
