【明報專訊】佔中開始，醫護義工黃任匡醫生幫忙打點一切，幾乎做咗佔中醫療隊召集人歐耀佳醫生嘅副手。黃醫生喺facebook講番學民思潮黃之鋒，同埋女同學絕食嘅細節，話「醫療隊其實最擔心係Bella(盧彥慧)，?晚(5號)Bella血糖低、心跳快，於是勸佢停止絕食」。Bella嘅爸爸媽媽亦嚟咗金鐘，黃醫生同盧爸爸講解Bella嘅身體狀况，同埋進食後要注意嘅事項。黃醫生話，盧爸爸當時用力握住佢嘅手講﹕「感激，感激你哋照顧我女兒。」盧父說話時手仲有啲抖震。

指絕食學生喚醒港人

黃醫生見到盧父將女兒扶上輪椅，之後深深擁着愛女，關切之情表露無遺。黃醫生當時唔識反應，?家諗番起，好想同盧爸爸講﹕「你個女同埋啲同學，用沸騰嘅熱血，澆醒了一整代嘅香港人，應該講多謝係我哋呢班大人。」

黃醫生仲話自己生活喺象牙塔，唔識乜嘢叫政治智慧、衝鋒陷陣，喺大洪流裏，佢哋不過係微不足道嘅醫護人員，又話醫護義工會企喺雞蛋一方。