【明報專訊】自由黨田北俊因提議特首梁振英可考慮辭職而被撤銷全國政協職銜，事後人氣上升。港大民研喺10月31日至11月5日訪問1008名香港巿民，量度「市民最熟悉的政治人物」排名，田少嘅認知度排名，由4月嘅24位，「大躍進」到今次嘅第8位。

港大民研話，排名方法係以受訪者喺無提示下講出政治人物計算，呢項調查係量度知名度方法之一，同政治人物支持度無關。喺今次調查，梁振英再次成為最熟悉嘅政治人物，政務司長林鄭月娥排名第2，社民連梁國雄排名第3。其後依次為新民黨葉劉淑儀、前特首董建華、黃毓民、立法會主席曾鈺成、田北俊、前特首曾蔭權、民主黨劉慧卿。

對比6個月前，8名政治人物都能夠蟬聯「十大」，而上次排名第2及第9位嘅陳方安生及李柱銘就雙雙跌出十大，由田北俊及劉慧卿取代。