德領事：未聞商家投訴
澄清上次唔係只讚佔區青年

德國駐港總領事蘭布斯多夫話佢不時都會經過佔領區，自己同好多香港人一樣，對於佔領發生都好驚訝。（梁卓怡攝）

美國駐港總領事夏千福（左）噚日現身金鐘佔領區，原來係行去立法會出席午宴，其間無回應傳媒提問。（盧翊銘攝）

【明報專訊】一班「外國勢力」噚日現身金鐘佔領區及立法會，包括美國駐港總領事夏千福，同埋之前大讚香港年輕一代嘅德國總領事蘭布斯多夫(Nikolaus Graf Lambsdorff)，佢哋唔係「勾結」泛民議員，而係因為立法會主席曾鈺成請食飯。出席嘅立法會議員中，10個建制、5個泛民，最後夏千福由民建聯主席譚耀宗相伴離開宴會廳，連譚sir都話好少有機會同夏千福合照。

立法會主席每年度都請領事食飯交流，過往總領事可以車出車入，但因為佔領封路，夏千福噚日就喺對面中信大廈落車，再經佔領區步入立法會大樓；德國總領事蘭布斯多夫飯後就直接喺佔領區行返辦公室。佢同Emily講，因為領事館喺金鐘，所以佢成日路經佔領區。

外國公僕不能讚違法學生

蘭布斯多夫話，見到佔領發生，同香港好多人一樣，感到驚訝，但唔認為佔中對香港整體經濟有乜嘢影響，亦無聽過在港德國商家投訴，仲話香港仍然好有競爭力，係宜居城市。

至於點解佢早前選擇喺政務司長林鄭月娥面前讚賞香港年輕人呢？蘭布斯多夫解釋，嗰次係德國國慶日活動，向台下賓客講話，佢話當日係講香港年輕人嘅表現值得港人驕傲，唔係只講佔領區嘅年輕人。不過，佢話自己不時都被人引述錯誤，佢話學生做緊違法行為，「我作為外國公務員，怎能讚他們？」(I'm a civil servant from a foreign country, how could I praise the students？)

更多港聞

添馬藝術品 展後「粗暴夾走」

【明報專訊】金鐘添馬公園有唔少藝術裝置，早前康文署舉辦「藝綻公園2014」，亦喺公園擺咗唔少藝術品，開幕時康文署長馮程淑儀親自主持，當時仲話... 詳情

同愛哥基犬 港人獲英女王回信

【明報專訊】今時今日少咗人寫信寄信，而寫信畀英女王你又試過未呢？最近有一個愛狗嘅香港人，知道英女王同佢一樣都好鍾意哥基犬，於是就寫信畀佢，結... 詳情

周永康扁平足發作 聰聰﹕孭你囉

【明報專訊】學聯秘書長周永康（Alex）同常委羅冠聰（聰聰）噚日上商台節目《在晴朗的一天出發》，主持人陳志雲發現周永康無撐黃傘，改撐黑傘「撐... 詳情

坐港鐵優先座 譚耀宗：我夠65歲

【明報專訊】民建聯主席譚耀宗前日畀人影到佢搭港鐵坐「優先座」，Emily噚日見到譚sir，諗住問吓佢知唔知自己被影咗相，點知Emily只係提... 詳情

金鐘佔區聖誕樹掛願望

【明報專訊】繼有留守佔區嘅酒店廚師炮製呈現金鐘佔領區情况嘅聖誕蛋糕後，Emily發現金鐘近「連儂牆」附近亦出現一棵聖誕樹（圖），樹上掛嘅唔係... 詳情