「八九學運非爭普選」 張明敏﹕撐佔中唔好

「八九學運非爭普選」張明敏﹕撐佔中唔好

[2014.11.17] 發表

【明報專訊】近月有藝人參與同支持佔領行動後疑被內地封殺，曾經喺1989年參與「民主歌聲獻中華」撐北京民運嘅前歌手、現任人大代表民建聯成員張明敏(圖)就話，當年藝人表態、參加撐八九學運嘅活動無問題，但?家撐佔中就唔好。點解佢可以撐學生，人哋又唔應該呢？張人大話因為兩項運動性質唔同喎，「當年係全世界華人都參與嘅民主運動，今日只是討論香港有無真普選」。張明敏仲話，大家仲要感謝共產黨，帶動國民走向小康。

何韻詩質疑現今藝人難表態

有唔少意見都話佔領運動反映出年輕一代同上一代人有代溝，50多歲嘅張明敏噚日同支持「雨傘運動」嘅30多歲歌手何韻詩，一齊喺有線電視節目《周日不講理》中，同場辯論藝人應唔應該有政治表態。

頻頻現身佔領區嘅何韻詩話因為參加佔領運動，已經有兩個月都無內地工作。佢就質疑點解八九年歌手、藝人可以參加「民主歌聲獻中華」，?家藝人連政治表態都唔得？張明敏就解釋兩者性質唔同。

不過，被追問到八九學運同佔中都係不滿中央政府，中央當年更加將學運定性為動亂，要求旗幟鮮明地反對，咁點解佢當年撐又得，?家又唔得呢？張明敏進一步話，1989年學生係反貪污，唔係要爭取普選。

更多港聞