情侶趕註冊 佔領區飛奔
[2014.10.15] 發表
【明報專訊】警方噚日朝早喺金鐘道清除路障，現場氣氛一度緊張，同時仲上演咗一段「驚心動魄」小插曲。事緣一對身穿婚紗禮服嘅新人，噚日突然喺清路障期間沿紅棉路飛奔，新娘子更赤腳上陣，越過金鐘道同夏愨道，嚇親全場警員同示威者。無他，原來一對新人「趕結婚」！
呢對新人無理會警員同示威者目光，只顧搏命飛奔去中環大會堂婚姻註冊處。新娘子拎住成4吋高嘅高踭鞋狂跑，新郎范先生就不斷拉住未婚妻裙襬，有少少狼狽又有少少尷尬，沿途有唔少人「食花生」，喺天橋上揮手高叫「加油，快啲」，但新娘子一於好少理。據悉，一對新人因為金鐘道清除路障棄車跑步，Emily相信呢個婚禮日會令佢哋畢生難忘！祝范生范太百年好合！
(李紹昌攝)
更多港聞
【明報專訊】佔領事件中，接二連三有學生在校內爭話事權，包括罷課、反對升國旗等。有校長以民主原則處理，如讓學生投票決定是否取消升旗禮，但亦有校...
詳情
相關新聞
