【明報專訊】特區政府噚日公布，新加坡總理李顯龍下星期二(9月16日)訪港3日，特首梁振英會周三(17日)會喺禮賓府同李顯龍會面，仲會設晚宴款待。回歸以來，外界都經常將香港同星洲兩地互相比併，兩地經常喺國際排名及最佳城巿等互有勝負，唔知今次兩地首長話題又會係咩呢？ Emily翻一翻資料，見到今次李顯龍訪港，其實係佢率領訪問團訪問中國8天行程嘅其中一站。李顯龍原來前日(11日)已經出發，先到廣東3日，再到廣西同香港，仲已經同廣東省委書記胡春華見過面。李顯龍喺廣西南寧會出席第11屆中國——東盟博覽會，相信會同國務院副總理張高麗碰面，然後就嚟香港啦。
|
| |
| |
