粵劇服飾首日封今發售
[2014.08.07] 發表
【明報專訊】鍾意粵劇或者集郵嘅朋友要注意，香港郵政今日會發售以粵劇服飾為題嘅首日封，特別郵票同相關集郵品就會喺21號推出。
相信後生一輩未必對粵劇有好深了解，其實粵劇係中國南方主要劇種，糅合咗唱做唸打、樂師配樂、戲台服飾等元素，粵劇服飾有好多種類，可以反映唔同角色嘅身分同社會地位。
今次郵政發行嘅粵劇服飾特別郵票，就有7款唔同嘅粵劇戲服，包括大漢裝、海青、小古裝等；面值10蚊嘅郵票小型張，就描繪咗飾演《六國大封相》六國元帥嘅演員。
如果大家想知道呢套特別郵票及相關集郵品嘅詳情，可以上香港郵政網站www.hongkongpost.hk睇吓。
更多港聞
【明報專訊】睇到黃昏有紅霞，係咪預示明日會下雨？見到塔狀積雲，天氣又會點？好多人都對天氣現象好有興趣，天文台10月會舉辦「天氣觀測」課程，由...
詳情
相關新聞
