許智峯動議改解放軍燈飾
[2014.07.04] 發表
【明報專訊】中西區區議員許智峯又有新搞作，話說位於添馬艦嘅解放軍駐港總部，喺外牆掛上燈飾，用簡體字顯示「中國人民解放軍」，許智峰認為市民睇得唔舒服，所以打算喺噚日嘅區議會會議提出動議，要求政府同解放軍溝通，修改燈飾款式。不過，動議未開始討論，就因有建制派議員不滿離場，導致流會。
許智峯同Emily講，會前聽聞有建制派議員打算就有關動議提出中止辯論，所以先下手為強，要求議員喺會上表決應否討論有關動議。佢話大家爭論得面紅耳赤，有建制派議員不滿討論呢啲無關區議會事務嘅題目離場，導致會議法定人數不足流會。不過，許智峯話，避得一時避唔到一世，下次開會繼續討論有關動議喎。
更多港聞
【明報專訊】距離文憑試放榜不足兩周，有中學5月開始已裝備考生迎接新路向，請來15名不同行業的資深人士，包括藥劑師、律師及記者等，為學生模擬大...
詳情
相關新聞
