【明報專訊】「草泥馬」(即「羊駝」，llama)向來係內地網民爭取網絡言論自由嘅象徵物，估唔到佢喺法國都好受愛戴，甚至成為「被綁架」對象！

法新社日前報道，話有5個飲醉酒嘅法國男人，上月30號喺波爾多一個馬戲團「綁架」咗隻草泥馬，唔止帶咗佢去坐電車，仲一齊影合照。從照片睇，阿草泥馬都好冷靜，仲好似好享受呢次出走之旅；佢被「綁架」後，馬戲團即時聲名大噪，馬戲團經理仲決定撤銷對「綁架者」嘅起訴，話近來已經愈來愈少人睇馬戲表演，但「因為呢班小伙子，我哋重返過去嘅光榮」。

網民就講笑話，成件事同電影《醉爆伴郎團》(The Hangover)入面男主角飲醉酒帶咗隻老虎返酒店差唔多囉。