【Emily】田二少「突襲」江旻憓 再問奧運「逆轉勝」
[2025.07.07] 發表
【明報專訊】巴黎奧運會女子重劍金牌得主江旻憓(圖一左)上周六出席直資學校香港管理專業協會李國寶中學嘅畢業典禮，佢上台致辭時遭到校監、立法會議員田北辰(圖一右)「突襲」，問佢喺奧運賽場上「逆轉勝」嘅心路歷程。江旻憓憶述，奥運決賽時一度落後1：7，形容當時「好糟糕亦覺尷尬」，只能夠不斷告訴自己「我可以追得番，可以做得更好」。佢又話教練係全世界最值得喺奧運奪金嘅人，所以好想為教練贏得金牌，為香港贏得金牌。
田：「唔想輸得咁肉酸」成座右銘
田北辰噚日喺facebook分享畢業禮上同江旻憓嘅互動，提及江旻憓賽後受訪講嘅「唔想輸得咁肉酸」已成為佢嘅座右銘，又稱讚對方步向成功嘅心路歷程同感受，「對全香港嘅人嚟講都非常受用」。
畢業禮當日田北辰分享江旻憓向佢講過，會將成就歸功於行「虎媽」路線嘅母親。江旻憓回應話，自己係獨生女，媽媽為佢犧牲好多，「佢(媽媽)無機會學舞蹈、劍擊、藝術，所以好希望我有機會嘗試呢一切」，但都令佢有一段時間唔知道所做嘅事係為咗自己定係為咗媽媽。不過，江旻憓話最後發現媽媽都只係希望佢開心，希望在座同學仔都知道父母所願就係仔女快樂健康，「與成績無關，與工作無關」。
更多港聞
【Emily】與區會議員鬥波 立會隊靠外援贏3：1
【明報專訊】噚日下晝天氣酷熱，勞工處發出暑熱警告，立法會議員同區議員足球賽就喺艷陽下開波，立法會議員隊喺「外援」幫助下贏3：1。有份落場嘅林... 詳情
【Emily】貧窮兒童音樂會獻技 捐500元可獲飛
【明報專訊】貧窮兒童往往因缺乏資源而無法培養興趣、一展所長。香港社區組織協會聯同新民獅子會將舉行「共融共鳴慈善音樂會」，希望畀近百名貧窮兒童... 詳情
【明報專訊】醫者除了醫術，診症更要有人情味。港大醫學院學生事務總監、眼科學系臨牀實務副教授施愷迪指出，港大醫學院6年制內外全科醫學士近年增設...
詳情
相關新聞
