【Emily】迎太平清醮 長洲渡輪周一加班
[2025.05.03] 發表
【明報專訊】長洲太平清醮快到，新渡輪公布會特別加密中環往來長洲渡輪班次。太平清醮會景巡遊下星期一下晝約1點半舉行，預計當日由中環去長洲嘅人流高峰期喺上晝10點到下晝1點，新渡輪將調動所有可用嘅後備船嚟增加航班數目疏導人流，預期高峰期每個鐘頭載客量會比平日多近兩倍，班次達到一小時接近6班。新渡輪呼籲計劃當日參與會景巡遊嘅市民可以考慮喺人流高峰期前嘅上晝8點至10點前搭船入長洲。
為配合下星期二凌晨搶包山比賽，新渡輪喺當日凌晨1點15分會加開長洲去中環嘅普通渡輪。
不過，會景巡遊同搶包山可唔可以順利舉行，可能要「望天打卦」。天文台噚日發布嘅9日天氣預測，下星期一部分時間有陽光，日間炎熱，稍後有幾陣驟雨及雷暴。2015年就試過搶包山比賽因天雨同雷暴警告而取消。
更多港聞
【Emily】表揚職場共融 「愛心僱主」獎章可報名
【明報專訊】由8間院校同社福機構共同參與嘅「賽馬會共融．知行計劃」，其共融市集噚日起一連3日喺荃灣嘅商場舉行。市集有近40個社區伙伴參與，出... 詳情
【Emily】民記「五代同堂」 賀沙田支部喬遷
【明報專訊】民建聯沙田支部噚日舉辦喬遷暨陳克勤立法會議員辦事處開幕儀式，邀請咗政務司長陳國基等嘉賓主禮，同時有超過100個街坊義工到場支持。... 詳情相關新聞
