【Emily】林芷瑩林定韻白天賜獲委資深大狀
[2025.04.16] 發表
【明報專訊】每年嘅資深大律師委任都係法律界大事，終審法院首席法官張舉能噚日宣布3名大狀「升仙」(升senior)，包括上訴庭法官薛偉成嘅太太林芷瑩。林嘅執業範疇廣泛，專長刑事法，最近正喺高院參與《反恐條例》第二案審訊，佢代表控方。噚日委任消息一出，Emily嘅法庭組同事都有當面恭喜佢，佢笑笑口講多謝，其他大律師就向佢豎起拇指。委任儀式將喺6月7號舉行。
林芷瑩為法官薛偉成太太
現年47歲、來自Plowman Chambers嘅林芷瑩喺港大先後取得法學士同中國法法學碩士學位，另喺城大修讀法學碩士(仲裁及爭議解決)學位。佢2000年做大律師，集中處理刑事訴訟、監管同紀律有關嘅案件，經常喺刑事案中代表控方或辯方出庭，例如8．18流水式集會案代表控方、屠龍案代表被告李家田。
另外兩個「升仙」嘅大狀係Des Voeux Chambers嘅林定韻(47歲)同Temple Chambers嘅白天賜(Timothy Parker，42歲)，同樣曾負笈海外，分別1999年同2009年喺香港取得大律師資格。林定韻嘅執業範疇主要係商業法同競爭法，兼有處理訴訟同仲裁嘅經驗。
白天賜就擅打一般民事法同商業法案件，包括競爭同規管法律，喺跨性別者公廁使用權、同性伴侶申請公屋等司法覆核案，佢代表申請方挑戰政府決策。
更多港聞
【Emily】休閒觀景好去處 啟德承豐道公園開放
【明報專訊】毗鄰啟德體育園嘅啟德承豐道公園正式開放，園內集合運動、娛樂及生活休閒多個主題區，設施包括可眺望啟德機場舊跑道全景嘅漩渦形觀景台、... 詳情
港青黃思遠再戰蕭邦鋼琴大賽 求十指動人心 享受舞台足矣
【明報專訊】為了拜師學鋼琴，黃思遠（Jason）小時候移居香港，高中時獲演藝學院「破格」取錄讀文憑，輾轉之下，如願師從演藝學院鍵盤樂系主任郭... 詳情
【明報專訊】下周三（23日）開始的第19屆蕭邦國際鋼琴大賽有新安排，連續兩屆參賽的本港年輕鋼琴家黃思遠說，5年前大會將他的代表地區列為「中國...
詳情
相關新聞
