【Emily】工聯辦五一酒會研討會記者會 不遊行 邀官員探工友 吳秋北：該用更有效方法爭權
[2025.04.14] 發表
【明報專訊】五．一國際勞動節好快又到，工聯會噚日公布一系列活動，包括邀請政府官員探訪前線工友、舉辦研討會討論唔同勞工議題、舉行酒會邀請內地全國勞動模範來港分享等，但停咗5年嘅五一遊行就未見復辦。工聯會會長兼立法會議員吳秋北喺記者會上回應時話，同政府爭取各種權益、做政策倡議，應該要用更有效嘅方法。
吳秋北話，今年勞動節嘅活動涵蓋多個範疇，焦點活動「探訪工友大行動」將會邀請官員深入各行業，同前線工友面對面交流，實地了解工友嘅工作環境同需求。
工聯會理事長兼立法會議員黃國補充，今年勞動節會有記者會同研討會，屆時會喺記者會提出6項倡議，推動社會關注唔同勞工議題；研討會就以「勞工—香港經濟的基石」為題，聚焦四大議題，包括完善強積金制度、保障平台外送員權益、提升職安健水平同推動職專教育發展，希望藉各界討論向政府提出切實可行嘅政策建議。
工聯會副理事長蘇栢燦就介紹今年嘅勞動節酒會，話會繼續邀請內地全國勞動模範來港分享，佢哋屆時仲會為「行業模範之星評選活動」揭幕。
更多港聞
【Emily】市建局裝飾「龍城」 擬AR重現頭頂飛機
【明報專訊】市建局正透過美化街道呈現九龍城「龍城」區特色。市建局行政總監韋志成噚日喺網誌話，適逢今年係舊啟德機場成立100周年，當局正構思以... 詳情
【Emily】屋邨一個儀表板 監察違泊水浸鼠蹤
【明報專訊】房屋局長何永賢噚日喺facebook帖文話，當局有唔少智慧屋邨管理「法寶」，包括以物聯網技術，令屋邨管理人員透過一個儀表板，就能... 詳情
【Emily】醫學會步行推廣器官捐贈 受助者獻歌傳愛
【明報專訊】醫學會噚日朝早舉行器官捐贈步行活動「春耕行動2025」，逾百名醫生、病人同家屬出席、醫務衛生局長盧寵茂，以及一直喺內地致力推動器... 詳情
模擬收釣魚信息 體會分期找數捱高息 VR遊戲教SEN生碌卡防騙
【明報專訊】消委會與金管局推出以信用卡為主題的虛擬實境（VR）遊戲教材，讓特殊教育需要（SEN）中學生提早學習用信用卡，並體驗騙案，學識如何... 詳情相關新聞
