【Emily】12月立選 議員料立會「暑假」減至一個月內
[2025.03.20] 發表
【明報專訊】立法會選舉12月7日舉行，按上屆選舉日程推算，提名期10月中就會展開。按照慣例，《施政報告》一般在10月中下旬發表，多名議員同Emily講暫未收到通知《施政報告》嘅公布安排，不過預計今年立法會將繼續放「暑假」，惟大幅縮短至約一個月內。
《施政報告》何時發表未敲定，多名議員估計時間上可以稍為提早公布，然後參考上屆立法會最後一年做法，由下屆議會辯論致謝動議。至於休會安排，以往立法會每年7月都會「唞暑」近3個月，政界一直關注今年可否繼續放「暑假」。多名議員向Emily表示，相信今年仍會維持休會期，但將縮短至約一個月內，以填補10月提名期展開後，減少咗大約兩個月會期。翻查資料，上屆立法會最後一年亦縮短休會期，7月中休會、8月中復會。
10月提名期展開後料減兩月會期
現時尚有唔少法案待審議，有議員話已收到提醒休會期間可能要加開會議，有資深議員分析，若最終審議政府法案時間不足，或要押後處理無約束力嘅議員議案。
更多港聞
【Emily】廢料棄街投訴6日無人理 田北辰：離晒譜
【明報專訊】實政圓桌立法會議員田北辰前晚喺網上出帖發牢騷，原因喺屋企附近有人喺行人路旁棄置建築廢料，佢話以市民身分致電食環署投訴熱線及182... 詳情
【Emily】房會72邨2.2萬單車位 大埔廣福邨最多
【明報專訊】立法會選委界別議員劉智鵬關注公共屋邨單車泊位夠唔夠畀居民用，房屋局長何永賢噚日以書面回覆提供資料，目前房委會轄下72個公共屋邨設... 詳情
【Emily】洪水橋安置屋邨「樂翹樓1座」入伙
【明報專訊】房協噚日公布，喺洪水橋/厦村新發展區嘅首個專用安置屋邨「樂翹都匯」第一期已經竣工，其中出租項目「樂翹樓1座」首批居民喺本月開始辦... 詳情
相關新聞
