【Emily】民研年終調查：港發展滿意淨值-20點
[2024.12.28] 發表
【明報專訊】來到年尾，又係回顧過去、展望將來嘅時候。香港民研噚日發布年終回顧及前瞻調查結果，受訪者對香港過去一年發展嘅滿意率淨值係負20百分點，比去年跌8個百分點。至於個人層面，受訪者嘅快樂比率淨值就上升，由去年14百分點升至今年25百分點。
快樂淨值25百分點 升11
香港民研喺11月4日至7日以電話訪問669人，滿意香港過去一年發展嘅受訪者佔34%，較去年下跌1個百分點；不滿意則佔54%，較去年增8個百分點。展望將來，受訪者都唔太樂觀，對來年香港整體發展樂觀嘅淨值係負4百分點，預期有改善就佔39%，較去年跌1個百分點；預期惡化則有43%，比去年多3個百分點。
新年新開始，最多受訪者嘅新年願望同世界和平或友愛相關，佔19%，比去年增9個百分點。
民研亦公布市民最熟悉政治人物嘅最新排名，首5位都係現任或前特首，特首李家超連續第三年居首，其後依次係林鄭月娥、梁振英、曾蔭權、董建華。
更多港聞
【Emily】更生青年入行做紋身 善導會助追夢
【明報專訊】善導會自10年前舉辦「恒生青年前路探索計劃」，協助16至30歲弱勢青年劃規職涯發展。參加者家偉舊年參加計劃，佢形容當時嘅自己喺工... 詳情
【Emily】研教學AI答學生問題 理大獲「教界奧斯卡」大獎
【明報專訊】「QS全球教學創新大獎」被譽為教育界奧斯卡，理工大學今年有3隊教學團隊分別奪得一金兩銀，仲有屬全場大獎之一嘅「全球教育大獎」（G... 詳情
【明報專訊】特首李家超噚日喺亞洲家庭高峰會視像致辭話，特區政府重視家庭福祉，會致力建構和諧社會，並同各持份者合作，為香港創造有利於家庭嘅環境...
詳情
相關新聞
