【Emily】荃灣海興路奪最佳公廁金獎 4廁急待改善
[2024.11.20] 發表
【明報專訊】噚日係世界廁所日，香港廁所協會公布「2024香港最佳公廁選舉」結果，金獎由荃灣海興路公廁奪得。協會話海興路公廁內部光線充足，外面有飲用水設備，牆身前後方向都有清晰指示，唔單止提升公共設施嘅功能，亦增強市民嘅使用體驗。
佐敦覺士道「臭廁大翻身」奪銅
最佳公廁選舉設有金、銀、銅等5個獎項，另外仲有4個最急待改善公廁(見表)。協會話，攞到銅獎嘅佐敦覺士道公廁，曾經喺2021年被選為最急待改善公廁，經過改善同翻新後，整體設施狀况良好，仲有專為兒童設計嘅廁所設施𠻹！
荃灣街市公廁殘又濕
食環：已納翻新計劃
最急待改善公廁方面，協會話大元村公廁喺2020年都上榜，至今無改善，令人擔憂，形容公廁狀况直接影響居民生活質素同公共衛生。荃灣街市(地下)廁所設施破損殘舊，滿地積水，好易跣親人；食環署噚日回應話已加強呢個廁所嘅清潔同管理，並已納入翻新計劃。
食環署現時管理約810所公廁，署方話自2019/20年度起推進優化公廁翻新計劃，至今年9月已為約370所公廁展開全面翻新或優化，其中約160所已完成，會致力喺2028年底前處理餘下公廁。
更多港聞
【明報專訊】世衛建議青年每星期平均做150分鐘以上嘅體能運動，不過唔少青年步入職場之後就唔達標，MWYO青年辦公室噚日發布「在職青年運動狀况...
詳情
【明報專訊】澳門特首賀一誠噚日宣布，明年繼續向市民派錢，每個澳門永久居民派1萬元（澳門幣，下同），非永久居民就有6000元。呢次係澳門政府自...
詳情
理大講廳落堂塌假天花 片段上載小紅書 網民：香港也有豆腐渣？
【明報專訊】香港理工大學校園N座地下的林百欣一號演講廳（N001室）有假天花墜下，有學生前晚（18日）在內地社交平台「小紅書」上載事發時影片... 詳情
相關新聞
