【Emily】旅發局伙拍小紅書 宣傳港旅遊

[2024.04.13] 發表

【明報專訊】內地社交平台「小紅書」大受內地年輕人歡迎，香港旅遊發展局噚日同小紅書達成「文旅戰略合作意向」，加深合作，協助宣傳香港旅遊。另一方面，香港成為2023年度小紅書「用戶年度喜愛目的地——年度飈升頂流」，即係流量大升，香港同時係小紅書用戶嘅熱門搜尋出境旅遊目的地。

旅發局計劃同小紅書喺未來一年推出多個合作項目，例如好快會共同創作、分享內容，邀請更多內地同香港網紅(KOL)體驗，將香港嘅新玩法、新體驗，以第一視角介紹畀內地消費者。

旅發局總幹事程鼎一同代表團噚日出席喺福建泉州舉行嘅「小紅書社區文旅大會」，佢期望今次同小紅書達成合作意向，可進一步推出多個推廣項目，推高香港旅遊喺內地嘅曝光同流量，繼續令香港成為最受內地旅客歡迎嘅旅遊城市之一。

更多港聞

【明報專訊】外交部駐港特派員公署舉辦嘅第二屆「我的香港故事」英文短視頻大賽噚日頒獎，今次比賽歷時5個月，收到近100份投稿，冠軍由油蔴地街坊... 詳情