【Emily】調查：83%港人話唔夠瞓 近九成願犧牲睡眠 換打機煲劇

[2024.04.10] 發表

【明報專訊】生活易今年3月訪問咗704人，了解港人嘅睡眠問題，結果顯示74%受訪者認為自己睡眠質素差，原因依次序係壓力大、睡前使用電子產品、少做運動等(見表)，而壓力主要來自工作(78%)、家庭(51%)及經濟(48%)；受訪者可選擇多於一個原因。

四成人感交通工具仲好瞓

調查又顯示，83%受訪者話唔夠瞓。至於睡眠問題，最多人覺得起身後仲係攰，其次係容易扎醒、要半個鐘以上入睡、淺睡多夢等。要瞓得好嘅話，69%人認為環境寧靜最重要，無壓力同多做運動都好重要。

調查發現88%人寧願犧牲睡眠時間做其他嘢，最大原因係想換取時間玩電話、用電腦、打機或煲劇。為咗彌補睡眠時間，76%受訪者曾喺公共交通工具補眠，甚至有四成人覺得交通工具比屋企張牀更好瞓。

精神科專科醫生汪嘉佑提醒，極速入睡或喺睡牀以外嘅環境輕易入睡都唔係好事，甚至可能係有睡眠障礙；而健康嘅睡眠係一個逐漸進入睡眠狀態嘅過程，睡眠充足者嘅入睡時間約10至15分鐘。

更多港聞

【明報專訊】康文署喺中環添馬公園舉辦「teamLab：光漣」，早前本報報道有輪椅人士進入展覽嘅預約區域後，因通道被圍欄截斷，又唔畀經草地繞過... 詳情

【明報專訊】康樂及文化事務署喺4月20至28日舉辦第一屆「香港悅讀周」活動，推動閱讀氣氛，希望將香港變成「書香城市」。文化體育及旅遊... 詳情

【明報專訊】中學文憑試（DSE）筆試昨開考，首日考視覺藝術科。考評局今屆在全港的一般試場推行「第二代公開考試支援系統」（PESS2），考生須... 詳情

【明報專訊】今年9月升中一的「統一派位」選校階段展開。教育局昨回覆本報，估算參加本年度中一派位的學生總數有5.15萬人，較往年同期的5.06... 詳情

【明報專訊】中大研究團隊發現，山崩形成的堰塞湖會增加地下壓力，反向引發地震，首次證實地表災害與地震有互為因果關係，改變傳統對地震成因的理解，... 詳情