【Emily】環署大專生實習 月薪11K
[2024.04.06] 發表
【明報專訊】政府嘅專上學生暑期實習計劃展開，唔同政府部門陸續推出職位，其中環保署嘅「大嘥鬼」噚日呼籲一眾專上學生申請該署嘅職位。睇番環保署網頁，今年有8個職位供申請，包括數據分析、推廣科學普及、評估污染源、協助推行電動渡輪先導試驗計劃、開發電動車充電設施等。
按計劃內容，各職位月薪11,200元，申請人最多可申請兩個實習空缺，須遞交一篇約400字中文或英文文章，表達對本港環境保護問題或宣傳方面嘅見解同提議。
另一個「專上學生暑期職業訓練計劃」就提供4個培訓名額，分別負責發展同管理堆填區擴建部分、協助管理化學廢物處理中心運作，協助開發應用喺水質管理同海岸清潔嘅人工智能技術等；每月津貼亦係11,200元。
兩個計劃只供大學一至三年級嘅全日制大專生申請，實習期6月24號開始、8月16號結束，今個月19號截止申請。
更多港聞
相關新聞
