【Emily】李嘉誠基金會捐1100萬鎊 助劍橋重建早期癌症研究所
[2024.04.04] 發表
【明報專訊】李嘉誠基金會噚日公布捐助英國劍橋大學1100萬英鎊(約1.08億港元)，支持早期癌症研究所嘅大樓重建，擴充實驗室空間、增加研究能力、吸引世界級科學家同醫生加入。
劍橋大學將大樓改名為「李嘉誠早期癌症研究所」，以答謝李嘉誠基金會嘅支持。李嘉誠話，診斷、治療同預防癌症取得咗巨大進步，令佢深受鼓舞，而早期發現癌症可以為患者帶嚟最佳治療機會，保障佢哋嘅生活質素。
「超人」又話，非常榮幸能夠支持大樓嘅改造工程，令佢成為英國首個早期癌症研究所嘅理想落腳點。佢又話同劍橋大學合作20幾年，過程鼓舞人心，實現咗佢畢生為科學發展做出貢獻嘅承諾，對雙方嘅合作關係衷心感到欣慰。李嘉誠早於2002年和2007年已捐款劍橋，支持對抗癌症。
更多港聞
【明報專訊】政府日前公布新一屆地區三會（分區會、防火會、滅罪會）名單，合共有2999人，三會嘅名單可以喺民政事務總署網站睇到。Emily留意...
詳情
相關新聞
