【Emily】「乜鬼都有」日本妖怪展 周五起灣仔登場
[2024.04.03] 發表
【明報專訊】睇日本動漫，不時有張牙舞爪嘅妖魔鬼怪登場。為咗介紹由古到今嘅「日本妖怪文化」，日本國際交流基金會、日本駐港總領事館及香港藝術中心合辦《妖怪大行進》巡迴展，本周五(5日)起至下月5日，每日朝十晚七喺灣仔香港藝術中心包氏畫廊舉行，免費入場。
展覽有84件展品，以繪卷同錦繪為中心，結合玩具同電影等媒介，例如江戶時代嘅《百鬼夜行繪卷》(局部)、明治時代嘅《沉重的藤箱(新形三十六怪撰)》，畫作展現唔同年代嘅妖怪模樣，可以話係「乜鬼都有」。
主辦方話，日本妖怪「有着超自然力量」，令人覺得驚同恐懼，不過𠵱家亦被當作可愛調皮嘅伙伴，又話今次展覽聚焦喺「大眾化」嘅妖怪，畀觀眾一探不可思議嘅妖怪世界。展覽指定日子會設公眾導賞團，可留意日本駐港總領事館facebook嘅公布。
更多港聞
相關新聞
