【Emily】海洋公園盼添大熊貓 等內地拍板
[2024.02.23] 發表
【明報專訊】提起海洋公園，好多人會諗起安安同佳佳。海洋公園主席龐建貽噚日出席新春午宴時話，好希望有新嘅大熊貓嚟香港，正透過政府向內地爭取，𠵱家等緊決定，又話當然希望愈快有決定愈好，認為𠵱家香港積極推動盛事，有新嘅大熊貓來港，肯定係盛事嚟！
海洋公園行政總裁黃嗣輝就話，知道政府一直同內地傾緊，𠵱家園內另一對大熊貓盈盈同樂樂都17、18歲，園方對接收多一對大熊貓一直準備就緒。佢話海洋公園養大熊貓「出晒名」，好似安安咁，佢係全球最長壽嘅圈養雄性大熊貓，而佳佳更加係最長壽嘅圈養大熊貓添。
講開公園喺農曆新年嘅表現，龐建貽話人流十分暢旺，初一到初八入場人次按年升咗37%，其中初三仲破咗疫後單日最高紀錄，而客人人均消費都升咗19%。黄嗣輝就提到，自由行客量已升返去疫前水平，又話客量同消費都有增長，加埋係幾厲害吓。
海洋公園籌劃緊喺山上興建全新嘅歷險主題區，舊年招標，黃嗣輝話𠵱家審核緊標書，預計第二季有好消息公布，幾時落成就視乎各個項目細節。龐建貽希望喺簽約一年後可局部開放，但強調安全為先，一定要做到好高安全系數先好畀大家嚟玩。
更多港聞
【Emily】57.1%青年認為會生育 1997年後新低
【明報專訊】青協青年研究中心噚日公布「青年價值觀指標2022」調查結果，認為自己會生兒育女同結婚嘅青年都有下降趨勢，當中前者嘅比率更係199... 詳情
【明報專訊】立法會財委會今日表決第二批簡約公屋項目撥款，本身諗住投反對或棄權票嘅實政圓桌田北辰噚日話，房屋局長何永賢前日同佢會面，局方再就屯...
詳情
科大目標2027年前建醫學院 招收持不同學科學士學位者
【明報專訊】科大去年底表明爭取建立本港第三間醫學院，校長葉玉如昨稱，目標在今屆政府任內成立醫學院，意味盼2027年完成計劃。校方擬招收已持有... 詳情
相關新聞
