【Emily】銀行換新鈔人數勝去年 預約多爆滿
[2024.01.26] 發表
【明報專訊】就快過年，唔少人會換新銀紙封利市，匯豐、中銀香港及渣打銀行噚日起至年三十(2月9日)，提供兌換新鈔及「迎新鈔」服務，今日及聽日各銀行部分分行會提早喺朝早8點營業。噚日一大早就有唔少人去銀行排隊換新鈔，3間銀行都話今年人數多過舊年，其中渣打香港區零售網絡主管羅倩兒話，噚日兌換新鈔運作暢順，市民反應較過往熱烈，網上預約配額比舊年增加三成，兌換新鈔嘅預約額已滿，「迎新鈔」仲開放網上預約，而50元銀紙就最多人換。
匯豐今次首推自動櫃員機「迎新鈔」提款服務，客戶即日起至下周三(31日)，可以喺旺角、觀塘、屯門市廣場分行嘅理財易中心提取20及50元「迎新鈔」。匯豐噚日話今年換新鈔嘅人較舊年同時段多兩成，首兩日預約名額已滿。今年新增網頁預約換新鈔服務嘅中銀香港就話，已將網上預約名額增加一倍，已經全滿。
更多港聞
【Emily】助50間NGO 陳廷驊基金會講「信」字
【明報專訊】之前3年新冠疫情除咗打擊企業同打工仔，仲有小型嘅非政府機構（NGO）。陳廷驊基金會喺2020年至舊年推出「雪中送炭計劃」，以「信... 詳情
趁吸人才 多內地人來港升學 移民中介：港五六間大學列百大
【明報專訊】貿發局主辦的教育及職業博覽昨起一連4日在灣仔會展舉行。有內地移民機構發現愈來愈多內地人有意來港升學趨勢，特意來港取經，了解本港大... 詳情
相關新聞
