【Emily】青民訪塞爾維亞遇陳克勤 中銀分行行長同名鄉里

[2023.12.26] 發表

【明報專訊】民建聯立法會議員顏汶羽同青年民建聯成員參加巴爾幹半島交流團，噚日喺塞爾維亞遇見陳克勤，呢位陳克勤唔係佢哋黨主席，而係中國銀行(塞爾維亞)嘅行長。顏汶羽話收到行長卡片時都笑咗一笑，行長就話其實佢被派駐過香港工作，所以知道香港有一個陳克勤，仲話知道大家都係福建人。

曾在港工作都係福建人

中國同塞爾維亞關係唔錯，中國喺當地有唔少投資，例如參與基礎建設，顏汶羽同Emily講，中資喺當地，通常都要搵中銀幫手搞融資等服務。佢又介紹，中國銀行(塞爾維亞)有限公司2017年於當地開業，係落實習近平主席2016年訪問塞爾維亞活動嘅成果，亦係當地第一家中資銀行成立。

青民都有去參觀旅遊景點，包括喺塞國首都貝爾格萊德河畔名為Beton Hala嘅區域，嗰度由倉庫改造成為旅遊區，餐廳商店林立，有啲似香港嘅中環海濱搞美酒佳餚巡禮。

更多港聞

【明報專訊】一股寒潮令今年聖誕特別有氣氛，噚日早上天氣仍冷，天文台總部錄得12.1℃，係過去12年以來最寒冷嘅聖誕節，較2011年嘅10.3... 詳情