【Emily】沙頭角交通懶人包 教你搭車又搭船
[2023.12.20] 發表
【明報專訊】沙頭角開放計劃元旦開始，市民可以申請入去參觀，保安局噚日喺社交平台拍片整理交通「懶人包」，教市民搭巴士、小巴去沙頭角，但就唔可以自己揸車入去。到咗沙頭角之後，仲可以乘搭街渡循環線去鴨洲等外島。
沙頭角開放計劃首階段每日容許最多1000個旅客經網上申請禁區許可證，包括700個旅行團同300個個人旅客，喺指定日期朝七晚九進入除中英街以外嘅沙頭角遊覽。保安局前日喺社交平台提醒市民入沙頭角須申請禁區許可證，仲拍片示範喺警務處新推出嘅網上平台自行申請。
而噚日嘅「懶人包」就話，市民可以選擇從港鐵上水站或粉嶺站，乘搭78K現有恆常班次或78S新增特快巴士路線去沙頭角；上水站同時有55K小巴可以選擇。從九龍東出發嘅市民可以到港鐵藍田站乘搭277A特別巴士路線。去到檢查站，記得要出示紙本或電子禁區證。而從沙頭角碼頭開出嘅街渡循環線將增設每日3班，每日上午10時、中午12時、下午3時從沙頭角碼頭開往荔枝窩、吉澳及鴨洲。
更多港聞
【Emily】青年宿舍以其命名 甘比仔仔設計「仲學舍」logo
【明報專訊】位於深水埗鴨寮街嘅青年宿舍項目「仲學舍」噚日舉行啟動禮，項目由劉葉淑婉紀念慈善基金及華人置業集團合作推出，華置行政總裁陳凱韻（甘... 詳情
【明報專訊】香港近年嘗試同中東市場打好關係，政府同貿發局出年1月24至25號搞嘅亞洲金融論壇，就有多個中東財金官員或投資機構代表出席同擔任演...
詳情
恒隆數學獎出爐 稱數學之用非爭朝夕 學者勉學生：功在百年
【明報專訊】兩年一度的恒隆數學獎昨出爐。身兼該獎學術委員會成員的科大數學學者方子豪昨受訪，分享專研數學的心得，認為數學理論未必在一朝一夕間對... 詳情
【明報專訊】科大、城大、中大及理大早前舉辦「香港伙伴周」，與來自38間海外大學伙伴的代表交流。本港的大學稱，通過與海外大學伙伴建立緊密聯繫，...
詳情
相關新聞
