【Emily】區選得票不足3% 4候選人按金沒收
[2023.12.12] 發表
【明報專訊】區議會選舉結果塵埃落定，有人歡喜有人愁。根據選舉規定，候選人提交提名表格時要繳付3000元選舉按金，如最終獲得該區3%有效選票嘅話，就可以拎番按金。統計44個區選各直選區投票結果，有4名落選者得票少過3%有效選票門檻，被沒收選舉按金。
油尖旺少數族裔候選人得253票
其中得票率最低係油尖旺南選區、報稱獨立候選人嘅孫逸仙。該區有6個候選人爭兩席，16,453張有效選票中，孫逸仙拎到253票，得票率1.54%。孫逸仙係一名孟加拉裔商人，參選時政綱提到想促進種族共融，構建一個公平、包容、和諧嘅社會。同區得票最高係有6505票嘅關煒曦，其得票率有39.54%。
參選大埔南嘅方約拿單得票率只有1.84%，佢拎到495票；同區嘅蕭振麟拎到624票、得票率2.32%，兩人同樣拎唔番按金。餘下一個拎唔番按金嘅候選人係參選大埔北嘅紫荊黨吳振輝，佢拎到472張有效選票，得票率1.98%。
更多港聞
【明報專訊】仲有唔夠兩星期就到聖誕節，社區組織協會每年都會籌款送聖誕禮物畀貧窮兒童。社協話今年暫時有3342名貧窮兒童報咗名申請，預計需要7...
詳情
【明報專訊】環球航空業在疫後求才若渴。為培育航空業人才，生產力學院開辦首屆「航空操作（地面）及航空英語基礎證書」課程，屬資歷架構第一級，專為...
詳情
相關新聞
