【Emily】國情班見夏寶龍否 團長葉文娟：港澳辦安排
[2023.11.20] 發表
【明報專訊】政府副局長、政治助理一行逾30人，噚日浩浩蕩蕩北上學習國情。率團嘅特首辦主任葉文娟期望透過研修，日後大家工作時可以國家觀、國際觀同大局觀作周全考慮。律政司長政治助理洪曉敬亦話，北上學習機會非常寶貴，可以令佢哋「站得更高」，以更開闊眼光了解國家發展同大局，落實良政善治。
「政治委任官員國家事務研修班」噚日出發，人數規模係歷年最大。葉文娟被問及咁多政治問責官員一齊離港，點樣處理本港工作時，佢話大家雖然身不在港，但心繫香港，與公務員團隊緊密聯繫處理公務。至於今次會唔會獲國務院港澳辦主任夏寶龍接見，葉文娟話拜會港澳辦領導將是重要學習一部分，具體由港澳辦安排。
葉文娟又特別提及，今次特別為團隊製作咗一個紫荊花徽章，形容盛放嘅紫荊花代表希望香港欣欣向榮，希望更能顯示團隊精神。佢哋抵達北京後，會喺國家行政學院學習，23日(周四)將去江蘇省考察，25日(周六)返港。
更多港聞
【Emily】深水埗「設計基地」租出 下周辦灣區創意夜
【明報專訊】經過5年規劃、設計同建造，深水埗通州街重建項目嘅「設計及時裝基地」上月已交付予香港設計中心營運，正制訂詳細營運計劃，並準備喺營運... 詳情
【Emily】環署綠展隊「一袋二袋」出動 推廣垃圾徵費
【明報專訊】垃圾徵費明年4月1日實施，政府早前表明唔會再押後。為配合垃圾收費實施，環保署嘅綠展隊今年8月中起喺社區展開推廣工作，於屋苑、「綠... 詳情
【Emily】落區助選頻聽食肆訴苦 葉劉嘆「針無兩頭利」
【明報專訊】區議會選舉下月10日舉行，新民黨主席葉劉淑儀落區幫黨友拉票時，話聽到市民及商戶吐苦，繼早前有市民同佢講港人「一係深閨，一係深圳消... 詳情
【明報專訊】不少港人均是低頭一族，日常生活「機不離手」。樹仁大學一項研究發現，愈年輕、教育程度愈高的市民，社交媒體成癮的風險愈高。研究團隊稱...
詳情
相關新聞
