【Emily】中大民調 特首三司皆肥佬
[2023.11.18] 發表
【明報專訊】噚日中大亞太研究所發表最新一份民意調查，特首李家超同3位司長最新嘅整體表現評分都唔及格，其中李家超嘅評分係47.9分(滿分為100分)，較兩個月同類調查下跌2.5分，但較一年前嘅46.5分略為上升。
中大今年9月28日至11月9日訪問708人，受訪者對特區政府嘅信任同滿意度都比兩個月前同類調查低，其中對特區政府表示「信任」同「滿意」嘅受訪者分別佔28.2%及25.2%；表示「不信任」同「不滿意」則分別佔34%及33.6%。
3位司長入面，財政司長陳茂波仍係最高分，但由兩個月前嘅52分下跌至最新嘅48.9分。同期政務司長陳國基評分由45.9分跌至44分，律政司長林定國則由44.5分跌至42.2分。
更多港聞
【Emily】港灣消防局13億重置 何君堯質詢3輪
【明報專訊】立法會財委會噚日通過逾13.1億元撥款，重置位於灣仔嘅港灣消防局去分域碼頭街及龍合街交界用地，以騰出用地推進灣仔北重建項目。選委... 詳情相關新聞
