【Emily】NBA名宿馬貝利一日獲批高才通
[2023.11.16] 發表
【明報專訊】近年轉戰內地發展嘅NBA同CBA名宿馬貝利(Stephon Marbury)周一(13日)遞交咗高端人才通行證計劃(高才通)申請，佢噚日凌晨喺Instagram宣布申請已經獲批，歷時只係24小時，形容係破紀錄(record-breaking 24 hours)。佢對之後可以更頻密來港、傳播籃球文化同知識感到興奮，話香港將會係繼紐約同北京後嘅第三個家。
對傳播籃球文化興奮 話港第三個家
馬貝利提到，2011年來港時喺李小龍銅像前許願，而願望已實現。佢話曾經多次來港，鍾意香港嘅人、文化、食物同氣氛，日後將協助慈善團體，為基層兒童同年輕籃球選手尋找資源同機會，相信香港喺發展籃球方面有巨大潛力。
馬貝利係A類申請人，即係申請前一年全年收入達250萬港元。勞福局長孫玉菡噚日書面答覆立法會議員質詢提到，截至上月底高才通計劃接獲約5.5萬宗申請，逾4.3萬宗已獲批，其中15,149宗屬A類申請、9782宗獲批。佢話約一半獲批A類申請人來自人才清單涵蓋嘅9個行業領域。
更多港聞
兩生告母校「髮禁」歧視索償 指校方罰示眾停課 悉性別不安症仍逼剪髮
【明報專訊】爭取校園「髮禁」鬆綁的學生林澤駿及黃永熙，在學期間均曾因蓄長髮而遭學校處罰，包括禁止於課室上課、罰站示眾等。兩人昨入稟區域法院提... 詳情
相關新聞
