【Emily】萬聖夜「嘩鬼」滿街 商戶料生意好
[2023.11.01] 發表
【明報專訊】噚日係解除防疫措施後首個萬聖夜，唔少人盡情扮鬼扮馬。Emily去咗熱門慶祝地方中環蘭桂坊，見到愈夜愈熱鬧，成條街人頭湧湧。好多市民遊客悉心裝扮，周圍都係「惡魔」同「鬼怪」，仲有人扮動漫「海賊王」角色同內地網紅公仔「賣崽青蛙」，有年輕人就喺身上掛上「最後一代」字牌去派對。有特意嚟香港感受節日氣氛嘅內地遊客大讚氣氛好。有商戶話今年氣氛係疫情以來最好嘅一次，預計生意額比上年多三成。蘭桂坊協會總監張素媚就話今年萬聖節氣氛嚟得早，估計酒吧同餐廳整體生意升50%。
Emily噚晚仲見到成日扮鬼扮馬嘅「夏蕙姨」黃夏蕙，佢以一身粵劇服裝現身中環，吸引唔少人上前合照。大批警察喺現場實施單向人流管制措施，仲以鐵馬圍出一段路，供救護人員、警員等快速上落，以防有亂。
更多港聞
【明報專訊】小學常識科2025/26學年起分拆成人文科、科學科，教育局長蔡若蓮昨被問到何不將人文科改名「國民科」，她稱人文科九成內容來自常識...
詳情
【明報專訊】研究六四事件的中大學者何曉清近日稱，入境處不批准其工作簽證延長逗留期限申請，校方通知「即時解僱」。行政長官李家超昨日回應事件稱，...
詳情
相關新聞
