【Emily】撐科大建醫學院 林哲玄：重科研助港更上層樓
[2023.10.23] 發表
【明報專訊】立法會醫療衛生界議員林哲玄噚日(22日)喺工聯會立法會議員鄧家彪主持嘅網上節目《理中有我》話，科技大學爭取辦醫學院係好事，認為香港嘅醫療水平喺國際間有好高地位，但藥物研發就較為遜色，認為「要保持香港喺世界上醫療嘅地位，下一步一定係科研」。佢又話科大研究院嘅模式培訓到學生嘅科研思維，有助香港更上層樓。
就點樣紓緩現時醫護人手流失，林哲玄話就算辦新學院，都要時間建大樓、搵醫院做臨牀訓練等，計落最快都要等6、7年先搞掂，「唔係一個即時補充到人力嘅方法」。
對於大學醫學院遴選新院長時要求有「國際化」嘅條件，林哲玄認為國際化嘅意思，係指教學同科研上與世界有好多接觸同合作，例如喺國際期刊發表論文，研發出嚟嘅產品或藥物受全球認可同應用，「唔在乎院長一個人、佢係邊度嘅人」。
更多港聞
【Emily】難忘救火12小時 山火隊籲掃墓小心
【明報專訊】香港每年10月至下一年4月都係山火頻繁季節，喺呢段時間，漁護署嘅技工、工人同農林助理員會組成山火隊，全天候駐守郊野公園管理站，又... 詳情相關新聞
