【Emily】29號有月偏食 凌晨朝西可觀賞
[2023.10.17] 發表
【明報專訊】市民本月29日凌晨可以喺本港上空睇到月偏食。天文台話，今次月食期間月亮嘅仰角較低，如果天氣情况良好，市民憑肉眼就可以直接觀賞月食過程，又提醒大家面向西方、冇障礙物嘅地點都適合睇月食。
天文台話，10月29日凌晨1點59分就開始「半影食始」，凌晨3點35分「初虧」，即係月球同本影接觸，呢個時候就會開始月偏食；去到凌晨4點14分「食甚」，然後喺4點54分「復圓」，結束偏食。今次月偏食嘅食分只有約0.13，代表「食甚」時，月球有13%左右嘅直徑進入地球本影。
設網上直播 後年先有月全食
天文台話，到時可透過天文台、香港太空館、嗇色園主辦可觀自然教育中心暨天文館等聯合網上直播，觀賞月食過程。睇番天文台紀錄，對上一次香港可觀測嘅月食係上年11月8日出現嘅「月全食」，下次就要等到2025年9月7日嘅「月全食」。
更多港聞
【Emily】去馬尼拉世衛年會 林文健會譚德塞
【明報專訊】經歷3年新冠疫情，全球各地陸續復常，唔少國際會議恢復面對面交流，世界衛生組織（WHO）都唔例外。衛生署長林文健噚日就到菲律賓馬尼... 詳情
【明報專訊】立法會噚日開法案委員會審理兩條條例草案，處理的士司機違例記分、優質車隊。之前發生年長的士司機意外，實政圓桌議員田北辰話，想借法案...
詳情
【明報專訊】網上有指上周六（14日）DSE歷史科簡報會中，考評局評核發展部經理陸芝蘭宣布，該科試題的分數分佈將有變，有與會教師稱局方一度要求...
詳情
相關新聞
