【Emily】陳恒鑌接任民建聯黨團召集人
[2023.10.14] 發表
【明報專訊】立法會下星期復會，民建聯噚日召開黨團會議，通過由新任副主席陳恒鑌(Ben)接任黨團召集人一職，呢個職位原本由現任主席陳克勤擔任。陳克勤話喺黨團會議上，大家一致推舉阿Ben出任召集人，話佢係好資深嘅議員，對議會運作非常熟悉，過去同唔同黨派都有良好溝通，相信喺阿Ben帶領下，民建聯可以繼續喺立法會發揮作用，提出更多建設性嘅政策倡議。
黨團召集人一般由較資深嘅黨內議員擔任，除阿Ben之外，同樣喺2012年開始做立法會議員嘅仲有漁農界何俊賢同選委界葛珮帆，所以早前就有傳聞話黨團召集人會由何俊賢擔任。阿Ben噚日話，黨團係畀黨內議員尋求共識嘅平台，過去都好重視紀律，日後會繼續按呢個方向執行，同時要體現團隊精神。
更多港聞
【Emily】地區事項統籌組改組 卓永興再巡灣仔阻街黑點
【明報專訊】今屆政府設立由政務司副司長卓永興領導「地區事項統籌工作組」處理街道衛生等社區問題，卓永興喺facebook透露，工作組已改稱「環... 詳情相關新聞
