【Emily】高球手許龍一亞運奪金 田北辰再倡保留「舊場」做公眾球場
[2023.10.02] 發表
【明報專訊】港隊高球手許龍一喺杭州亞運會男子個人賽奪金，伙拍隊友取得男團銅牌，實政圓桌立法會議員田北辰就乘機重提粉嶺高球場收地一事，重提保留粉嶺哥球場「舊場」，然後改作公眾球場。田二少話如果保留球場，可以用嚟培育高球新人，發展高球產業，希望政府回心轉意，話咁做會對推動高球發展有幫助，都符合習近平主席提出嘅「文化自強」方針。
粉嶺高球場原佔地約170公頃，政府上月收回當中32公頃「舊場」範圍，暫改為公園用途，並計劃把當中約9.5公頃建公營房屋。
許龍一奪金，政界唔少人噚日都喺社交媒體出帖祝賀，本身有高球會會籍嘅行會成員湯家驊話，祝賀許龍一喺國慶日為中國、為香港爭光。立法會議員梁毓偉上載相片，話「好高興可以喺現場親身見證許龍一奪金」。
哥球會：締港高球史輝煌新頁
香港哥爾夫球會亦話，「他做到了！」，指許龍一「繼續締造香港高球歷史輝煌新一頁，我們為你感到無比自豪」。
翻查資料，政府計劃收回粉嶺高球場部分用地建屋，城規會6月辦第二場公聽會時，許亦有出席反對於高球場建屋。佢當時指本港有潛力喺高球比賽上佔一席位，希望城規會可尊重高球手嘅抱負。
更多港聞
【Emily】目標第一 IVE太陽能車下月澳洲出賽
【明報專訊】世界太陽能車挑戰賽下月喺澳洲舉行，喺上屆比賽奪得季軍嘅香港專業教育學院（IVE）會派出由該校工程學科研製嘅太陽能電動車「SOPH... 詳情相關新聞
