【Emily】民政專員紛落區 油尖旺DO籲果欄工人夜晚搬貨細聲啲
[2023.09.30] 發表
【明報專訊】區議會換屆之後，將改由各區民政事務專員(DO)擔任區議會主席，Emily留意到近日各區DO都趁中秋節前夕落區，除咗探街坊，油尖旺DO余健強早前同部門、分區委員會代表去咗果欄派傳單，提醒欄商同工友夜晚搬貨時注意聲量；又去花墟視察部門嘅執法情况，向花商了解經營環境。
至於中西區DO梁子琪噚日就同當區兩隊新成立嘅關愛隊，去咗西環邨及石塘嘴一帶家訪；東區DO陳尚文前日就同煤氣公司代表一齊整冰皮月餅，帶去耆康會東區長者地區中心送畀老人家。
睇番政府重塑區議會嘅資料，區議會主席負責指導區議會工作，亦有權制訂會議常規、要求該區區議員就指明議題蒐集意見等，但就無特別提及區議會主席嘅具體職責。
更多港聞
【Emily】助威院整月餅 灣區護士獻「第一次」
【明報專訊】每逢佳節倍思親，兩名來港交流嘅大灣區護士李丹琴、劉佳麗今年中秋雖然無得陪屋企人，但早幾日就同一班威爾斯親王醫院嘅同事齊齊走入廚房... 詳情
【Emily】王逸戰願牆內朋友 早日與珍愛的人團聚
【明報專訊】中秋節人月兩圓，對於剛出獄嘅社運人士就份外珍惜。因干犯《港區國安法》入獄嘅前賢學思政召集人王逸戰（圖）上星期刑滿出獄，佢喺fac... 詳情相關新聞
