【Emily】中大醫學院慶40周年 陳家亮沈祖堯捐珍藏拍賣
[2023.09.13] 發表
【明報專訊】中大醫學院為慶祝40周年舉行網上拍賣會，善款將用嚟促進醫學教育、研究、社區服務發展，多個校友捐出私人珍藏同藝術作品拍賣，包括院長陳家亮捐出珍藏20幾年嘅「京劇名伶尚小雲款草書竹筆筒」，前院長沈祖堯捐出節錄自蘇軾《定風波》嘅「回首向來蕭瑟處，歸去，也無風雨也無晴」書法作品。陳家亮話醫學結合科學同藝術，兩者同樣講求敏銳觀察力同觸感，今次多個中大醫學院成員慷慨解囊，突顯大家醫學同藝術範疇嘅修為同涵養，亦希望呈現美感同文化啟發更多人。
另外，本身熱愛攝影嘅副院長(研究)盧煜明就捐出自己一幅瀑布照片，外科學系心胸外科組主任黃鴻亮則捐出3項珍藏，包括《東方之珠》畫作，同埋以墨水筆繪畫J.A. Gosling教授肖像素描，仲有以呢幅肖像畫做酒標嘅4樽威士忌。黃鴻亮話，J.A. Gosling生前係中大一名極受尊重同愛戴嘅解剖學教授。
中大醫學院40周年院慶以「傳．新．全心」為主題，宣揚傳承醫術醫德、創新醫學科研，同埋全心關顧病患嘅精神。
更多港聞
【Emily】青年創業構思賽公眾投選 冠軍5000元
【明報專訊】香港菁英會喺本月至11月，每個月會搞香港青年節「全民速創」創業構思比賽，參賽者只需喺手機應用程式FoundFast提交創業構思嘅... 詳情
【Emily】鄭泳舜倡夜運動 體育中心開到午夜
【明報專訊】政府話想同私人業界推動夜間活動，民建聯立法會議員鄭泳舜噚日就聯同體育界人士向政府提出發展夜間城市運動，話要挖掘夜間運動嘅消費潛力... 詳情
【Emily】唐明治90歲 李義石永泰赴英賀壽
【明報專訊】港英時期做過律政司嘅唐明治（Michael Thomas）退休後同妻子、前行政局首席非官守議員鄧蓮如長居英國，近年已經甚少公開露... 詳情
德ARD低音大提琴賽 港人首奪亞 無悔棄DSE負笈 賴康堯樂界揚名
【明報專訊】港人近日揚威國際音樂大賽。香港土生土長的賴康堯在第72屆ARD德國慕尼黑國際音樂大賽（下稱ARD大賽）奪得低音大提琴賽事第二名及... 詳情相關新聞
