【Emily】民建聯議員內蒙考察氫能車 諗起北都

[2023.08.28] 發表

【明報專訊】民建聯多個立法會議員近日到內蒙鄂爾多斯考察新能源項目，包括光伏產業鏈、新型電力系統和氫能車輛燃料等。民記話，建議喺北部都會區打造零碳出行市鎮，部署氫能交通工具嘅應用，又認為氫能產業有巨大潛力，涉及產業鏈上下游廣泛，政府應積極培育氫能產業發展。

民建聯會務顧問譚耀宗聯同立法會議員葛珮帆、陳克勤、周浩鼎等，到鄂爾多斯參觀氫氣貨車同垃圾車。該黨話，嗰啲車裝有儲氫瓶，並以氫氣作為燃料驅動，行駛過程中，氫燃料轉化為電能、熱能同水蒸氣，唔會產生其他污染排放物。

近日大家都關注日本排放核污水事件，民建聯另一議員梁熙噚日就去到印度參加B20峰會。佢話今次峰會主題包括「負責任、可持續及公平」嘅營商原則，指席間同多個來自印度、澳洲、瑞典甚至日本等國家嘅代表討論，話大家都批評日本政府做法短視、損害各國利益。佢話希望國際社會團結一致，齊心向日本說不。

更多港聞