【Emily】寧德學習團 觀塘40青年將訪習從政舊地
[2023.08.21] 發表
【明報專訊】國家主席習近平上個月回信香港學生，叮囑港生要「深刻認識世界發展大勢，深入了解祖國的歷史文化與現實國情」，之前政府及政團為此搞咗唔少學習分享會。觀塘民政處、香港福建社團聯會青年委員會及九龍社團聯會觀塘地區委員會，更安排區內40名青年，於8月27至30日組成「香港青年走進寧德參觀團」去福建寧德市，即係習近平早年任地委書記嘅地方，實地了解寧德市點樣脫貧及其發展成果。
參觀企業 赴霍童古鎮
青年考察團嘅主辦單位前日為參加者舉行出發前茶會，簡介活動目的及行程安排。學習團團長、觀塘民政專員林兆康話，習近平喺福建從政17載，曾出任寧德地委書記，期望青年深入了解寧德市嘅產業發展及脫貧攻堅嘅成果。今次行程會參觀企業，包括上汽寧德基地及電池生產商寧德時代，亦會參觀霍童古鎮及霞浦，以及去習近平曾指導扶貧工作嘅下黨鄉。
更多港聞
【Emily】房委會盃三人籃球賽 何永賢有進帳
【明報專訊】香港房屋委員會慶祝成立50周年，噚日喺葵涌石籬（二）邨嘅籃球場舉行「房委會盃」三人籃球挑戰賽，房屋局長何永賢、副局長戴尚誠同新上... 詳情相關新聞
