【Emily】丁薛祥內地輕裝出席 全國生態日 高官炎夏西裝上陣

國務院副總理丁薛祥喺浙江湖州市出席全國生態日活動。現場片段顯示佢著白色恤衫，無打呔，台下唔少官員同與會者都係著短袖衫。（新華社）

政府喺中環展城館舉行全國生態日啟動禮，主禮官員政務司長陳國基（右三）、環保署長徐浩光（左一）同署理漁護署長黎堅明（右一）都著全套西裝打領呔，同天氣形成明顯對比。同場包括港區人大常委李慧琼（左三）、署理環境及生態局長黃淑嫻（右二）同常秘謝小華（左二）。（政府新聞處）

【明報專訊】人大常委會今年6月通過將每年8月15號定為「全國生態日」，特區政府噚日都搞啟動禮響應首次全國生態日。Emily留意到，呢期大熱天時下，有份主持儀式嘅政務司長陳國基、環保署長徐浩光、署理漁護署長黎堅明3位男官員，都著全套深色西裝、打領呔出席。雖則啟動禮喺室內舉行，睇番天文台資料，噚日市區日間氣溫徘徊31℃、32℃，新界地區日間最高溫度去到34℃。

另一邊廂，國務院副總理丁薛祥出席位於浙江湖州市嘅生態日活動時，就身穿白色恤衫，台下普遍與會者都無著西裝，唔少人仲著白色短袖恤衫。丁表明，生態文明係重大政治問題同重大社會問題，要以生態日活動為契機，「增強全民生態環境保護的思想自覺和行動自覺」。

喺香港，陳國基致辭時重申，政府會加強全城推動環保，包括2050年前實現碳中和目標，同時加強保護自然生態，將來北部都會區會設立濕地公園。同場嘅港區人大常委李慧琼就話，設立全國生態日增強社會生態環境保護嘅自覺同行動力，希望可以提高各界嘅環保意識。

更多港聞

【Emily】立會正門換新裝 立體logo識發光

【明報專訊】立法會「鼓底」嘅正門入口光線一向唔太夠，最近立法會秘書處邀請咗香港知專設計學院嘅學生幫手設計，正門入口換咗米白色嘅新門框，將「立... 詳情

【Emily】20「狗醫生」下周六搭港鐵 宣傳動物輔助治療

【明報專訊】除咗導盲犬之外，其他動物平時唔可以喺港鐵入閘，不過今個月26號嘅「國際狗狗日」，港鐵將會畀20隻「狗醫生」搭車，希望提升市民對狗... 詳情

【Emily】「夫妻檔」互換位 德總領事老婆交棒老公

【明報專訊】外交官經常派駐唔同地方，有時難免影響家人。德國駐港澳總領事同副總領事係駐港外交官中少數嘅「夫妻檔」，本身老婆施懿德（Stefan... 詳情

【Emily】環署推「泳灘水質預報」 4級勿落水

【明報專訊】夏天有唔少人去泳灘，環保署最近推出「泳灘水質預報系統」，市民即日起可透過手機應用程式或環保署網頁，睇到全港所有開放嘅公眾泳灘水質... 詳情

【Emily】李立峯：新聞自由亦關乎有冇人敢講

【明報專訊】最近出版新書《閱讀新聞——專業價值和媒體批判》嘅中大新聞與傳播學院教授李立峯，噚日喺網台節目接受民主黨前主席劉慧卿訪問，講到近年... 詳情