【Emily】百地點快閃遊戲 宣傳廉潔區選
[2023.08.11] 發表
【明報專訊】區議會選舉將喺12月10日舉行，廉政公署展開一系列以「守法規 重廉潔」為主題嘅教育及宣傳項目，包括喺超過100個地點舉辦快閃互動遊戲活動，加強市民對相關法例嘅認識，同埋明白廉潔選舉嘅重要。
區議會改組後，地區委員會界別會由「地區撲滅罪行委員會」、「地區防火委員會」同埋「分區委員會」(俗稱「三會」)嘅成員選出，廉署亦會為政黨及政治團體安排多場法例簡介會，提醒有意參選嘅人同助選人員搞選舉工程時要留意嘅地方，仲會向大眾舉辦3場簡介會。
廉署廉潔選舉事務統籌李婉芝話，8月初開始推出適切嘅全方位廉潔選舉宣傳教育策略，結合執法及預防，三管齊下，致力確保選舉公平、公開、誠實，防止舞弊及非法行為出現。
更多港聞
相關新聞
