【Emily】「需人才助施政」 楊何邀實習生考AO
[2023.08.02] 發表
【明報專訊】踏入暑假，好多學生都會去唔同崗位實習體驗職場生活，其中今年政府政務職系(AO)暑期實習計劃已經喺5月中展開。公務員事務局長楊何蓓茵噚日同50幾個參加計劃嘅大學生見面交流，除咗聽同學仔分享工作點滴，仲分享自己30幾年公務員嘅生涯。佢提到需要熱愛國家同香港嘅人才去協助政府施政，鼓勵同學仔投考AO等政府職位。
公務員事務局每年冬夏都會舉辦政務職系實習計劃，局方話今年接獲近270份暑期實習申請，挑選咗66個就讀本地、內地及海外大專院校嘅同學，安排佢哋喺約20個決策局同部門實習。
楊太話實習計劃畀香港青年同現職嘅政務主任共事，有助佢哋做好職業生涯規劃，而過去5年，每6個新入職政務主任中，就有一個參加過呢個計劃。
更多港聞
相關新聞
