【Emily】實習生「畢業」 勞聯：盼學懂關注基層工友
[2023.07.29] 發表
【明報專訊】暑假好多公司、機構都會有實習計劃，勞聯嘅暑期大學生實習計劃近日結束，勞聯主席、立法會議員林振昇出席計劃嘅結業禮，聽同學分享經歷同感受，又頒證書畀同學。林振昇提到，勞聯舉辦實習計劃有個初心，唔係想同學畢業後加入工運，而係希望同學透過工會認識各行各業，為自己日後嘅職業生涯做好準備。
佢又希望同學可以透過工會嘅平台，了解基層工友嘅情况，畢業後去到唔同崗位，都可以持續關注基層工友嘅聲音。
另外，身在廣州嘅青年發展委員會副主席、選委界立法會議員梁毓偉，就見咗幾個喺廣州一間科技公司同駐粵辦實習嘅學生，佢希望年輕人無論身在何方，都可以盡心學習同體驗，最終可以盡興而回。
更多港聞
【明報專訊】政府成日話要「搶人才、搶企業」，一直負責協助外地企業喺香港擴展業務嘅投資推廣署自然要更加落力。根據署方數據，今年上半年佢哋已經協...
詳情
相關新聞
