【Emily】田北辰倡高球場全改公用 甯漢豪：無迫切需要
[2023.07.06] 發表
【明報專訊】政府將收回部分粉嶺高爾夫球場嘅討論，近月鬧得熱哄哄，噚日實政圓桌議員田北辰喺立法會提出口頭質詢，問政府有冇研究收回整個粉嶺高球場後，改為公眾高球場，惠及普羅市民。發展局長甯漢豪回應時，立場仍舊堅定，話𠵱家無迫切需要增設一個公眾高球場。
田北辰話，現屆政府早前表明已覓得嘅土地可興建36萬個單位，收回高球場後只興建到1.2萬個單位，認為香港應有多一個公眾高球場。但甯漢豪話，只要條件許可，應興建高於需求嘅房屋供應量，作為緩衝空間，又話喺收回高球場現址建屋嘅部分係政府土地，亦不涉及清拆安置問題，時間上會有優勢，強調唔會放棄任何一個建屋項目。
睇番資料，田北辰喺上屆政府推出土地供應專責小組嘅報告時，係同意報告建議局部發展高球場。但田北辰噚日同Emily講，新一屆政府有新發展，自然有唔同睇法，認為與其政府收番土地後，大部分係開放畀公眾散步，不如收回成個高球場，改做公眾高球場。
更多港聞
【明報專訊】廉政公署事宜投訴委員會噚日向立法會提交2022年報，上年共接到13宗有關廉署或其人員嘅投訴，涉及47項指控。宗數與早兩年相若，但...
詳情
爭2024復辦小一 質疑教局准兩校不夠人續辦學 溥仁家長函申訴署 投訴殺校不公
【明報專訊】獻主會溥仁小學因收生欠一人被「派0班」，早前向教育局申請「特別視學」、辦私營小一均被拒，意味該校需在2026/27學年停辦。有家... 詳情相關新聞
