【Emily】港鐵7．1送7.1萬飛 輕鐵免費
[2023.06.24] 發表
【明報專訊】政府、公私營機構都會喺7月1日回歸26周年推出多項活動同優惠，港鐵噚日就宣布，為迎接香港特別行政區成立26周年，將會喺7月1日抽獎送出7.1萬份免費本地車程，同埋26張全年免費車票，抽獎活動將喺當日透過MTR Mobile手機應用程式進行，今日會喺MTR Mobile公布抽獎詳情。
回歸26年送26張全年票
中獎機會就唔係人人有份，但如果7月1日有機會坐輕鐵或港鐵巴士服務，都可有全日免費嘅優惠，但就唔包括東鐵線範圍嘅接駁巴士，乘客當日進出輕鐵站或登上港鐵巴士時都唔使拍卡或付車費，港鐵話希望無論屯門、元朗、天水圍一帶嘅市民，定係區外市民，都可以當日搭吓輕鐵喎！
港鐵行政總裁金澤培就話，今次係港鐵送出嘅心意，希望市民喺疫情後盡情感受同慶祝香港回歸祖國嘅歡樂。
更多港聞
【明報專訊】立法會將喺7月5日恢復二讀改革區議會嘅條例草案，政府仍未宣布來屆區選幾時舉行，不過選舉事務處就開始「2023年區議會一般選舉」多...
詳情
【明報專訊】今年書展會喺下月19日至25日（周三至周二）舉行，主辦機構貿發局暫時未正式公布細節，例如今年嘅年度主題、星級講者等，不過有眼利嘅...
詳情
相關新聞
