【Emily】區會改革草案委會收工 料暑假前通過

【明報專訊】立法會即將「放暑假」，好多會議都加快步伐，其中審議區議會修例草案嘅法案委員會經過「馬拉松式」開會，噚日完成所有審議程序，下個月5號會喺立法會大會恢復二讀辯論，預料立法會暑假休會前可以完成修例。立法會網頁嘅時間表顯示，暑假前最後一次大會係7月12日。

噚日法案委員會最後一日開會，審議埋政府提出嘅修正案。之前開會，唔少議員關注新設立嘅區議員履職監察機制，包括新法例有無足夠賦權條文，畀民青局長就監察委員會嘅運作發指示，政府之後就提出修正案，加入條文賦權局長處理有關區議員涉及行為失當嘅程序。

公僕加薪已達「最佳平衡」

另外，行政會議噚日為公務員薪酬調整幅度「拍板」，高級公務員加薪2.87%，中低級公務員就加4.65%，根據公務員事務局畀立法會嘅參考文件，當局會喺下個月尋求財委會通過有關建議。

對於有公務員工會提出全部公務員劃一加薪4.65%等，局方喺文件都交代咗立場，話特首同行會決定時已考慮既定機制下嘅所有相關因素，包括職方提出嘅要求同埋公務員士氣，𠵱家個方案已經係最佳平衡。

更多港聞

【Emily】消防有任務畀阿漆 拍片宣傳樓宇安全

【明報專訊】消防處最近拍咗套新宣傳片，係有關成立大廈法團嘅，但明明大廈法團一向由民政事務總署負責，點解關消防處事呢？消防處先上載第一集宣傳片... 詳情

教大智能測斜視更快更準 另一微塑膠「快測」技術 同揚威日內瓦發明展

【明報專訊】視力問題宜及早醫治。香港教育大學學者傅弘的兒子約8年前讀幼稚園時，被教師發現有斜視迹象，及後接受診斷，她慶幸兒子及時獲治療，幾年... 詳情

教大家庭友善措施調查：85%僱員感不普遍

【明報專訊】香港教育大學心理學系獲平等機會委員會資助，就「家庭友善僱傭措施」（FFEPs）做研究。400名有家庭照顧責任的僱員於2021年2... 詳情

理大津醫大建合作平台研眼疾

【明報專訊】香港理工大學與天津醫科大學自2004年開展學術及科研合作，理大昨宣布與天津醫大建立科研合作平台，未來5年於人才培養、學科與團隊建... 詳情