【Emily】修復中巴珍寶巴士 中環展出 資深師傅盼以老帶新傳手藝

加入城巴維修行列近3年嘅陳彥東（左）認為，經典珍寶巴士修復工程極具挑戰，慶幸有40多年維修經驗嘅師傅黃捷行（右）從旁協助。兩人身旁係今次展覽嘅4個舊車款，右起：「丹拿∕利蘭珍寶」、「利蘭亞特蘭大」、「丹尼士三叉戟」及「富豪超級奥林比安」。（李紹昌攝）

城巴今日起喺中環海濱活動空間舉辦「One Citybus展覽」，焦點之一係呢架「丹拿∕利蘭珍寶」經典珍寶巴士。其車尾呈凹形設計，引擎置於下方，中空位置方便乘客打開窗唞涼。佢係效力中巴同新巴嘅「兩朝元老」，直至新巴同城巴引入冷氣巴士，呢個獨特造型就成為歷史。（李紹昌攝）

【明報專訊】幾十年前嘅巴士無冷氣，乘客搭車時要打開車窗唞涼。城巴剛完成復修一架經典珍寶巴士「丹拿/利蘭珍寶」，佢係本港首代後置引擎巴士，1970年代已穿梭大街小巷，起初由中巴營運，直至1998年新巴接手中巴88條路線專營權後，同時接收中巴旗下100架珍寶巴士，所以呢款車已經係「兩朝元老」。佢嘅車尾呈凹形設計，引擎喺下方，中間預留做窗口位通風；直至新巴同城巴引入冷氣巴，現時巴士冷氣組件先置於車尾，呢個獨特造型就成為歷史。

「兩朝元老」車尾凹形後置引擎

經過3個月復修，珍寶巴士車身換上全新金屬片，重新塗上「上忌廉色、下湖水藍」經典配色；其連同俗稱「黃老太」嘅利蘭亞特蘭大等4款舊巴士，今日起至下月23日喺中環海濱活動空間展出。有40多年維修經驗嘅師傅黃捷行形容珍寶巴士係老朋友，回想當年前輩傳授嘅技巧依然學以致用，希望做到以老帶新，承傳手藝吸引更多新血入行。

一班港島區議員同立法會議員噚日獲邀參觀展覽，東區區議員仇栩欣仲坐喺車長位置「打卡」，話自問咁大架巴士真係揸唔掂，好敬佩要兼顧路面交通安全同乘客狀况嘅車長。新巴下月併入城巴，展覽同時會展出5款全新設計嘅車身塗裝，畀市民網上投票決定車隊將來外貌。

更多港聞

【Emily】6?13起寵物共享公園多50個

【明報專訊】唔少人都鍾意帶「毛孩」出街玩，康文署噚日宣布，從下周二（13日）起，將會喺全港各區增設超過50個「寵物共享公園」，令總數增加到超... 詳情

【Emily】警隊×女童軍 推防騙滅罪大使計劃

【明報專訊】警隊近日同香港女童軍總會首次合辦「女童軍防騙滅罪大使」計劃，培訓女童軍應付罪案能力，仲會推出訓練章。約80個女童軍領袖前日參加咗... 詳情

【Emily】CBA許鍾豪來港 梁熙sell「高才通」

【明報專訊】政府成日話要「搶人才」，民建聯立法會議員梁熙（左）最近都想幫手，適逢國家職業籃球中鋒許鍾豪（右）近日來港，梁熙同佢食過飯，仲話許... 詳情

【Emily】新世界創新賽 初創Bloom Rewards勝出

【明報專訊】新世界發展旗下支援初創企業嘅開放式創新平台Eureka Nova噚日舉行「新世界創新挑戰賽2023」，今屆比賽集中喺Web3同可... 詳情

【Emily】婦女自強基金成立 首輪申請7?7截

【明報專訊】政府設立嘅「婦女自強基金」噚日正式成立，民青局長麥美娟（左二）鼓勵婦女團體同非政府機構踴躍申請資助，善用基金舉辦活動。財政司長陳... 詳情