【Emily】虎豹別墅重開 周五起可跟導賞團
[2023.06.06] 發表
【明報專訊】承載一代港人記憶嘅大坑虎豹別墅舊年尾因虎豹樂圃停運而關閉，噚日政府就宣布，虎豹別墅呢個禮拜五起會以導賞團方式重新開放，市民今朝10點起可以喺古蹟辦網頁預約，導賞團逢周五至周日及公眾假期以粵語形式舉行，每日4節，每節名額24人。古蹟辦同Emily講，早前翻新咗別墅外牆，同埋室內嘅金箔、漆油，今次重新開放會展示更多房間同文物，包括遊戲室及別墅落成誌慶禮物。
陳列地氈、浴室設施等原裝家俬
古蹟辦教育活動組二級助理館長雷詩雅話，導賞團一節時間約個半鐘，導賞員會帶領市民參觀別墅私人花園同大部分室內空間。至於新開放嘅遊戲室，「萬金油大王」胡文虎曾經用嚟展示客人送嘅禮物；另外，今次亦會陳列大宅部分原裝家俬，例如地氈同主人房浴室設施等，而別墅室內有多個玻璃展櫃，展示瓷器金器、舊相片等文物，重開後會更新展品資料。
雷詩雅又話，開放後會睇公眾反應，再考慮會唔會喺平日加團同埋增加預約名額；佢仲話，虎豹別墅作為一個經典，來港遊客都可以預約參觀，但暫時唔開放畀旅行團參觀嘞。
虎豹別墅係昔日華僑商人胡文虎嘅大宅，喺1930年代建成，2009年獲評為一級歷史建築，但曾最為人熟悉嘅萬金油花園就喺2004年拆咗。別墅建築中西合璧，如天花以蝙蝠圖案作裝飾，但掛上西式水晶吊燈，又因為胡文虎係虔誠佛教徒，別墅亦充滿緬甸佛教色彩。
更多港聞
【Emily】大律師會北大復授普通法 5年來首次
【明報專訊】大律師公會早前訪問北京，仲恢復同北京大學法學院搞普通法課程，畀北大學生認識香港同普通法制，係2018年後第一次。公會主席杜淦堃（... 詳情
【明報專訊】一連三日喺維園舉行嘅「家鄉市集嘉年華」噚日結束，嘉年華人頭湧湧，睇落都幾受市民歡迎。有網民發現，「家鄉市集嘉年華」仲好受南亞地區...
詳情
【Emily】人代考察湛江 梁美芬讚鋼鐵廠重環保
【明報專訊】港區人大代表近日北上考察，前日先去粵西，第一站去湛江市，就湛江灣「一灣兩岸」一帶去做專題調查研究。Emily睇咗幾名人大代表嘅f... 詳情
【明報專訊】警隊早前喺表揚全球傑出宣傳品嘅國際年度設計大獎「ASTRID Awards 2023」奪8個獎，主辦方美國公司MerComm網頁...
詳情
逾三成受訪殘疾者 感排擠老師不了解 精神病等隱性殘疾社交更難
【明報專訊】平機會早前委託城大研究年輕殘疾人士從求學過渡至就業的情况，其中人際交往困難是阻礙他們過渡的因素之一，研究發現逾三成受訪者曾因殘疾... 詳情相關新聞
