【Emily】前工盟總幹事鄧燕娥 獲國際工會權利獎
[2023.05.01] 發表
【明報專訊】本身係國際家務工聯會(IDWF)秘書長嘅前職工盟總幹事鄧燕娥(圖)，同國際家務工聯會近日獲得挪威「Arthur Svensson國際工會權利獎」，嘉獎鄧燕娥同聯會推動保障家傭權利。獎項係紀念挪威已故工會領袖Svensson。曾經獲呢個獎嘅包括白俄羅斯工會、菲律賓少數黨領袖France Castro等。該獎每年6月喺挪威奧斯陸舉行頒獎禮，但除非鄧燕娥獲准離境，親身領獎機會比較低。
鄧燕娥3月遭警方以國安法拘捕及獲准保釋，至5月中再向警方報到。
讚揚為全球家傭建立網絡
主辦機構喺網頁話，家傭薪酬低，經常面對剝削同暴力，缺乏保障，讚揚聯會同鄧燕娥為全球家傭建立網絡、提供家傭權利信息，同為組織提供訓練。主辦機構又提到，鄧燕娥1980年代初已投入勞工運動，係國際家務工聯會首任秘書長，亦係職工盟創會成員。
更多港聞
【Emily】曾俊華AI試造型 變英雄讚amazing
【明報專訊】前財政司長曾俊華都擁抱人工智能（AI）熱潮，佢嚟緊會為其任職顧問嘅保險公司拍廣告，要度吓造型，公司就用AI Art Genera... 詳情
【Emily】響應「開心香港」 梁熙派懷舊小食
【明報專訊】政府先後推出「你好，香港！」和「開心香港」活動，想帶旺市面氣氛，民建聯立法會港島東議員梁熙團隊就話響應，噚日喺銅鑼灣舉辦民間版「... 詳情
【明報專訊】隨着社會復常，唔少司局長先後外訪。環境及生態局長謝展寰上月中訪問北京見唔同部委，係佢上任以嚟首度外訪。Emily本住求真精神，問...
詳情
相關新聞
